ថ្ងៃអង្គារ ៨រោច ខែបុស្ស ឆ្នាំរកា នព្វ ស័ក ពុទ្ធសករាជ ២៥៦១ ត្រូវនឹងថ្ងៃទី០៩ ខែ មករា ឆ្នាំ២០១៨ ឯកឧត្តម ឧត្តមសេនីយ៍ឯក ហ៊ុន ម៉ាណែត មេបញ្ជាការរងកងទ័ពជើងគោក និងជាប្រធានក្រុមការងារប្រកួតកីឡាកងយោធពលខេមរភូមិន្ទ បានអញ្ជើញចូលរួមក្នុងពិធីក្រុងពាលីបួងសួង សុំសេចក្តីសុខក្នុងការរៀបចំការប្រកួតកីឡាកងយោធពលខេមរភូមិន្ទ ដែលលនឹងប្រព្រឹត្តទៅនៅថ្ងៃទី១២ ដល់ថ្ងៃទី១៤ ខែមករា ឆ្នាំ២០១៨ ដើម្បីបង្ហាញសមត្ថភាព និងសាមគ្គីភាពរវាងកងកម្លាំងប្រដាប់អាវុធគ្រប់ប្រភេទ និងមហាជននៃស្រទាប់យុវជន ដើម្បីគាំទ្រដល់ការអនុវត្តគោលនយោបាយកំណែទម្រង់កងយោធពលខេមរភូមិន្ទ ឲ្យបានស៊ីជម្រៅ ព្រមទាំងពង្រឹងពង្រីកសមត្ថភាពធនធានមនុស្សនៅក្នុងកងយោធពលខេមរភូមិន្ទ ការបំផុសស្មារតីស្រលាញ់កងទ័ពផងដែរ ៕
